Maria Hugo — soeker na waarheid

Abstract

Met die afsterwe van dr. Maria Hugo op 5 Augustus 2010 is 'n belangrike skakel met die verlede verbreek. Sy was die laaste van 'n geslag Afrikanerhistorici wat in die 1940s afgestudeer en begin publiseer het. Sy en dr. Anna Böeseken was ook die invloedrykste onder die Afrikaner-vrouehistorici van hulle tyd. Maria Hugo (Ria, soos sy onder haar tydgenote bekend was) se 93 lewensjare was in vele opsigte ryk geskakeerd - al was die laaste jare hoe moeilik.