The Penguin concise dictionary of historical and political terms, J.P. Brits : boekbespreking

Abstract

Prof. J.P. Brits is verbonde aan die Departement Geskiedenis van die Universiteit van Suid-Afrika en die outeur van verskeie publikasies waaronder Tielman Roos : political prophet or opportunist (1987), Doing History (1993) en Op die vooraand van apartheid (1994). Hierdie publikasie word deur die uitgewer bekend gestel as 'n praktiese en verstaanbare naslaanbron vir studente. Die teikenmark vir die woordeboek is, volgens die uitgewer, studente in Geskiedenis en Politieke Wetenskappe op matriek- en eerstejaarsvlak. Afhangende van wat die leser van die publikasie verwag, kan die teikenmark egter ook na tweede- en derdejaarstudente en selfs nagraadse studente en dosente uitgebrei word.